مفاوضات

– تقبلي 4 عقد نفسية مني وأقبل منك 5 وننام مع بعض؟
– لأ هقبل تلاتة بس وميكونش فيهم خوفك المزمن من الالتزام.
– لأ دي المفضلة عندي، طب اقبلي مني الخوف من الالتزام وأقبل منك كل مشاكل عدم التحقق الذاتي.
– والغيرة؟
– لأ، لو هقبل الغيرة يبقى لازم تقبلي الخوف من الالتزام.
– كده الموضوع مش هيكمل، أنت مش هتعرف تلتزم تجاهي علشان أغير عليك !
– مممم طيب ممكن ناخد الخوف والغيرة نخليهم عقدة إيجابية مشتركة، هنخاف مع بعض من الالتزام الذي يُفضي للملل، ونغير على علاقتنا الوليدة من قدرتنا على إفسادها.
– ونعمل إيه مع عقدة الشعور بالذنب اللي هيضربني بعد ما أنام معاك؟
– هنعالجها بعقدة إنكار الذات اللي عندي وهعمل لك شوية تفاني وإخلاص.
– تفتكر ممكن ننجح؟
– ممكن نجرب.
– أنا جاية.
– مستنيكِ.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *